Page Title here

Kamati ya Uchumi, Elimu na Afya

Kamati ya Uchumi, Elimu na Afya inaundwa na jumla ya wajumbe kumi (10). Kamati hii inadhamana ya kushughulikia mambo yote yanayohusu afya ya jamii, elimu na huduma za maji.Kamati hii pia inashughulikia mambo yanayohusiana na jitihada za wananchi Mitaani kujiletea maendeleo yao kwa kutumia mbinu mbalimbali ikiwa ni pamoja na kushauri, kushawishi, kuzindua, kuelimisha na kushirikisha wananchi hao hasa katika kuyatayarisha, kutekeleza, kusimamia na kutathmini mipango yao ya maendeleo.

Wajumbe wanaounda kamati hii ni:-

1. Mhe. David Cosmas Regu            - Mwenyekiti
2. Mhe. Rebeka M. Magoma            - Diwani Viti Maalum
3. Mhe. Marysiana M. Masasi           - Diwani Viti Maalum
4. Mhe. Ladislaus M. Magesa           - Kata ya Mwisenge
5. Mhe. Haji Mugeta Mtete                - Kata ya Nyasho
6. Mhe. Anjela D. Lima                     - Diwani Viti Maalum
7. Mhe. Christopher Miyaga Sena    - Kata ya Kwangwa
8. Mhe. Madaraka James Kiraka      - Kata ya Rwamlimi
9. Mhe. Gumbo William Patrick        - Meya
10. Mhe. Vedastus Mathayo Manyinyi -Mbunge

Majukumu Maalum ya kamati

1. Kuandaa mipango madhubuti ya maendeleo ya upanuzi na ujenzi wa hospitali, vituo vya afya na zahanati.
2. Kuandaa mipango ya maendeleo ya upanuzi na ujenzi wa shule za awali na msingi na elimu ya watu wazima kwa mujibu wa sheria ya elimu ya 1978 kama ilivyorekebishwa mwaka 1995.
3. Kupendekeza mipango ya ujenzi au upanuzi wa vituo vya afya, viwanja, majengo na mazingira ya burudani, starehe, mapumziko na michezo.
4. Kuamua juu ya mambo yanayohusu uhifadhi wa mambo ya kale na mandhari mbalimbali yenye sura nzuri.
5. Kupendekeza kwa Halmashauri mipango ya kupanua biashara na jinsi ya kukusanya mapato yatokanayo na upanuzi huo.
6. Kusimamia matumizi ya sheria ya nguvu kazi.
7. Kuandaa mipango madhubuti ya maendeleo ya upanuzi wa kilimo katika Halmashauri.
8. Kushughulikia uanzishaji na uendelezaji wa vyama vya ushirika kwa mujibu wa sheria ya vyama vya ushirika.
9. Kuweka mikakati ya makusudi juu ya njia bora za kuchangia baadhi ya huduma za elimu na afya.
10. Kuandaa na kuratibu njia bora juu ya uhifadhi wa nyaraka muhimu kwa ajili ya kumbukumbu hizo zitahifadhiwa kwa mujibu wa sheria ya Serikali za Mitaa sura ya 288.
11. Kubuni na kupendekeza njia bora za kuzuia na kudhibiti magonjwa ya mlipuko.
12. Kupendekeza njia bora juu ya uhifadhi wa sanaa mbalimbali za ufundi na za maonesho kwa mujibu wa sheria ya Serikali za Mitaa sura ya 288.
13. Kupendekeza matumizi mazuri ya lugha ya Taifa.
14. Kupendekeza namna ya malezi ya vijana ili waweze kuwa wazalishaji katika taifa.
15. Kusimamia uanzishaji wa uendelezaji wa vikundi vya jamii na vya hiari vya wananchi katika Halmashauri kwa mujibu wa sera ya maendeleo ya jamii.
16. Kuweka mikakati madhubuti ya kuhakikisha kila motto aliyefikia umri wa kwenda shule anafanya hivyo.
17. Kupendekeza sheria ndogo zinazohusu kamati hizi.