Makamba asisitiza utunzaji wa Mazingira

Imewekwa: September 1st, 2018

MAKAMBA ASISITIZA UTUNZAJI WA MAZINGIRA

Waziri wa mazingira Mhe. January Makamba ametilia mkazo suala la utunzaji wa  Mazingira ili vizazi vijavyo vinufaike na upendeleo ambao Mungu ameitunuku nchi yetu.

Akizungumza na watendaji wa serikali katika Manispaa ya Musoma Waziri amesisitiza kwamba Ukiharibu Mazingira Umeharibu  Uumbaji, hivyo ni wajibu wa Serikali za Mitaa katika uhifadhi wa Mazingira.

Aidha  ameendeelea kutilia mkazo suala la Mazingira endelevu kwa kusema kwamba “Sheria ya Mazingira imewekwa ili Uhifadhi na Udhibiti wa mazingira uwe Endelevu”.

Vilevile amesisitiza Halmashauri  ianze kuteua Maafisa Usimamizi wa Mazingira katika ngazi zote ambapo kazi zao ni Kuhakikisha Uhifadhi na Usimamizi wa Mazingira unakuwa endelevu .

Katika utekelezaji bora wa utunzaji wa Mazingira Waziri ameahidi kutoa Wakufunzi watakaotoa Mafunzo kwa kamati za Mitaa hii yote ni katika kuonesha Serikali ya Awamu ya Tano inajali sana suala la Mazingira.

“Nitawaongezea Wakaguzi  wa Mazingira Idadi  yoyote mtakayohitaji  nitawateua” amesema  Waziri  Makamba  na kusisitiza kwamba ndani ya Mwezi  mmoja wawe wamepata mafunzo.

Pia amesema kuwa sharia inawapa mamlaka  wakaguzi wa Mazingira  kufanya ukaguzi wa mazingira bila kibali na  kwa kushitukiza kwani wanayo Mamlaka  Makubwa katika utekelezaji wa suala hilo.

Ameongeza kuwa “Utunzaji wa Mazingira ni Wajibu wa kila Mmoja wetu katika jamii kushirikiana na sekta  Binafsi pamoja na Serikali kwa ujumla kutunza Mazingira”.

Waziri makamba alikuwa katika ziara ya siku moja katika wilaya ya Musoma ambapo pamoja na mambo mengine amefanya ukaguzi wa miradi mbalimbali ya mazingira pamoja na uzinduzi wa kitalu cha miti.