Watumishi waaswa kuchapa kazi bila kujali uchache wao

Imewekwa: September 8th, 2022

Watumishi waaswa kuchapa  kazi bila kujali uchache wao

Mkurugenzi wa Manispaa ya Musoma Bosco Ndunguru ametolea ufafanuzi juu ya uhamamaji wa wafanyakazi ndani ya Manispaa ya Musoma ufafanuzi huo umetolewa mara baada ya wajumbe wa baraza la Halmashauri kuhoji swali kwenye kikao cha baraza kilichofanyika ndani ya ukumbi wa manispaa juu ya uhamaji wa wafanya kazi wengi kwa pamoja.

Akizungumza kwenye kikao hicho ndugu Ndunguru alitoa sababu mbalimbali zinazofanya wafanyakazi kuhama ikiwemo kukaa karibu na wazazi au walezi wao.

"Ni kweli kumekuwepo na wimbi kubwa la wafanyakazi kuhama ndani ya Manispaa yetu hivyo hii imesababisha baadhi ya idara kupata uhaba wa wafanyakazi mfano mzuri ni ukaguzi na udhibiti bora wa shule hivyo kusababisha baadhi ya shule kutofikiwa kwa wakati” alisema ndugu Ndunguru.

Aliongezakuwa “Wafanyakazi wengi wamekuw awakihama kwa madai ya kuwa wanahitaji kukaa karibu na walezi au familia zao na wanapokuja na vibali vya kuhama sisi hatuna budi kusaini vibali hivyo, ni kweli kwamba mpaka sasa wamehama wafanyakazi 44 na walio ingia ni wafanyakazi 12 tuhiinichangamoto"

Kwa upande wake Mstahiki Meya wa Manispaa ya Musoma Mh. William Gumbo amewataka watumishi kuwajibika ipasavyo kwani ni wajibu wao kutimiza majukumu waliopewa haijalishi kuwepo kwa uchache wao ili kuleta ufanisi wa kazi pamoja na kutekeleza mipango mbalimbali ya maendeleo ndani ya Manispaa ya Musoma.