Dc ahimiza ushirikiano Anuani za Makazi

Posted on: March 7th, 2022

DC Ahimiza Ushirikiano katika zoezi la Anuani za Makazi

Mkuu wa Wilaya ya Musoma Mhe. Halfany Haule amewataka wenyeviti wa Mitaa kuacha mara moja kutanguliza maslahi binafsi na badala yake watangulize maslahi ya taifa katika utekelezaji wa zoezi la anuani za makazi.

“Wapo baadhi ya wenyeviti wa Mitaa ambao hawatoi ushirikiano wa kutosha katika kufanikisha zoezi hili la anuani za makazi kwa wataalamu, hii sio sawa natoa wito kwa wenyeviti kutanguliza maslahi ya taifa mbele” alisema Mhe. Haule.

Mhe. Haule ametoa rai hiyo katika mkutano wa  baraza la madiwani kilichofanyika katika ukumbi wa mikutano wa Halmashauri ya Manispaa ya Musoma.

Mkuu wa Wilaya ameendelea kusisitiza kuwa zoezi la anuani za makazi lina manufaa makubwa kwa wananchi, hivyo linatakiwa kufanywa kwa weledi na kujituma ili kufikia malengo yaliyowekwa.

Aidha, Mhe. Haule amesisitiza kuwa muda uliowekwa kwa zoezi hili ni mdogo, wataalam wanatakiwa kutumia jitihada mbalimbali kukamilisha zoezi kwa wakati na kwa ubora unaohitajika.

Kwa upande mwingine Mhe. Haule amewataka watumishi kufanya kazi kwa tija na kuonya kuwa watumishi wazembe hawavumiliki hasa katika Serikali ya awamu ya  sita.

Amewaelekeza pia watendaji wa Kata na Mitaa kuhakikisha wajasiriamali maarufu kama machinga hawarudi katika maeneo waliyoondolewa na mtendaji yoyote atakakaeshindwa kutekeleza hatua stahiki zitachukuliwa dhidi yake.

Mkutano wa baraza la Madiwani umepokea na limepitisha taarifa na maazimo mbalimbali kutoka katika kamati za kudumu