RC MTAMBI RC MTAMBI COMMEND MUSOMA MUNICIPAL COUNCIL FOR UNQUALIFIED AUDIT OPINION

Posted on: June 2nd, 2025

RC MTAMBI AIPONGEZA HALMASHAURI YA MANISPAA YA MUSOMA KWA KUPATA HATI SAFI

Mkuu wa mkoa wa Mara Kanali Evans Mtambi ameipongeza Halmashauri ya Manispaa ya Musoma kwa kupata hati safi ya ukaguzi kwa kipindi cha miaka mitano mfululizo.

RC Mtambi ametoa pongezi hizo katika baraza maalum la madiwani kujadili hoja za ukaguzi lililofanyika leo Juni 06.2025 katika ukumbi wa mikutano wa Manispaa ya Musoma.

Mh. Mtambi amewataka watendaji wa halmashauri kuendeelea kufanya kazi kwa bidii ili kuendeleza upatikanaji wa hati safi za ukaguzi katika kaguzi zinazokuja

Aidha, Kanali Mtambi amelielekeza baraza la madiwani kwa kushirikiana na menejimenti kuandaa mpango kazi ili kujibu hoja za ukaguzi ambazo hazijafungwa pamoja na maagizo ya kamati ya kudumu ya bunge ya hesabu za serikali za mitaa (LAAC).

Kanali Mtambi pia ametoa maelekezo mahsusi kwa baraza la madiwani kwa kushirikiana na menejimenti kubuni vyanzo vipya vya mapato na kuimarisha vilivyopo.

Maagizo mengine yaliyotolewa na RC Mtambi ni pamoja na ununuzi wa hudum na bidhaa zifanyike kwa kutumia mfumo wa ununuzi wa Umma(Nest) na ununuzi wa bidhaa za afya ufanyike kupitia mamlaka ya dawa na vifaa tiba (MSD)  au kwa mshitiri aliyeidhinishwa.

Maagizo mengine ni hatua stahiki zichukuliwe kwa watumishi waliosababisha hoja za ukaguzi, Halmashauri ihakikishe inaimarisha vitengo vya ufuatiliaji na ukaguzi kwa kuvipa rasilimali watu na fedha za kutosha pamoja na menejimenti kutekeleza majukumu yake kwa kuzingatia sheria, kanuni na taratibu.

Kwa upande wake mstahiki meya wa Manispaa Mhe. William Gumbo amemhakikishia mkuu wa mkoa kuwa Manispaa ya Musoma ya Musoma itaendelea kutekeleza majukumu yake kwa weledi na ufanisi ili kuwaletea wananchi maendeleo na ustawi.