Hurricane affects property in Musoma Municipal Council

Posted on: March 24th, 2025

Mkuu wa Wilaya ya Musoma Mhe. Juma Chikoka Leo Machi 24, 2025 ametembelea maeneo mbalimbali yaliyoathirika na mvua iliyoambatana na upepo mkali usiku wa  tarehe Machi 23, Machi 2025

Maeneo yaliyoathirika na kadhia hiyo ni taasisi za umma na binafsi, nyumba za kuishi, miundombinu ya umeme na simu, Miti pamoja na maeneo ya biashara.

Taasisi za umma zilizoathirika ni pamoja na bweni la wanafunzi katika shule ya msingi Mwembeni, shule ya msingi Iringo 'A' na 'B', jengo la TTCL, Bahari ya Tanesco Mkoa, pamoja na baadhi ya majengo katika Uwanja wa ndege ambapo uharibifu uliofanyika ni kuezuliwa kwa paa katika majengo husika.

Aidha, taasisi binafsi zilizoathirika ni pamoja na kituo cha mafuta cha Tan oil kilichopo kitaji, sehemu ya ukuta wa kanisa katoliki Jimbo la Musoma, Uwanja wa mpira karume, msikiti wa BAKWATA Kitaji( paa), kumbi za burudani za contena pamoja na Serengeti( paa).

Taarifa za awali zinaonesha zaidi ya nyumba 180 zimeathirika na mvua hiyo kwa kuezuliwa kwa paa na baadhi ya kuta kuanguka.

Mhe. Chikoka ameunda timu ya wataalamu kufanya tathimini ya kina kubaini uharibifu halisi ulisababishwa na mvua hiyo na tayari timu hiyo imeanza kazi.

DC Chikoka ameiagiza kamati ya maafa kusimamia taratibu zote za upatikanaji wa malazi na chakula kwa waathirika ambao hawana mahali pa kulala ikiwa ni hatua za dharura zilizochukuliwa ili kupunguza athari zilizotokana na uharibifu wa Mali kwa waathirika hao

Jumla ya Kata kumi zimeathirika na uharibifu uliotakana na mvua hiyo.

ReplyForward Add reaction