Magufuli eyes Mwisenge Primary School

Posted on: September 6th, 2018

Magufuli aikumbuka shule Aliyosoma Hayati Baba wa Taifa

Rais Dr. John Pombe Magufuli amesikitishwa na hali ya miundombinu ya shule ya msingi Mwisenge aliyosoma baba wa Taifa Mwl. Julius Nyerere.

Akiwa katika ziara yake Manispaa ya Musoma Rais alipata fursa ya kutembelea shule hiyo ambayo Baba wa Taifa Mwl J.K.Nyerere alisoma.

Kutokana na kutoridhishwa na miundombinu ya shule hiyo yenye historia kubwa katika nchi yetu. Rais amewaahidi  wana Mara  kuifanyia  ukarabati  shule hiyo ili iweze kutumika kama kituo cha kihistoria.

Aidha Rais Magufuli ameahidi kutoa Milioni 20 katika shule hiyo ndani ya wiki mbili ili kuanza ukarabati wa bweni moja la kulala kwa wanafunzi wenye mahitaji maalum.

Pia akiwa shuleni hapo Rais  ametoa shilingi Milioni 1 kwa ajili ya tafrija ya Wanafunzi wa shule hiyo kuonyesha mapenzi aliyonayo kwao.

Rais Magufuli ametoa rai kwa Viongozi wa Mkoa wa Mara juu ya usimamizi wa shule hiyo kwani ni eneo muhimu la kihistoria.

“Natambua  umuhimu wa shule hii kwa historia ya nchi yetu, ni vyeam tuitengenezee mazingira mazuri ili kumuenzi baba wa Taifa”. Alisema.

Aliongeza kuwa “Ni jukumu la wana Mara na Taifa kwa ujumla kutambua  na kutunza maeneo ya kihistoria  ili kuendelea kuwaenzi Mashujaa wa Taifa letu.” Alisisitiza.

Rais yupo mkoani Mara kwa ziara ya siku nne ambapo anatarajiwa kutembelea wilaya zote za mkoa wa Mara.