Page Title here

Idara ya Utawala na Utumishi inazo sehemu kuu mbili ambazo ni Rasilimali watu na Utawala. Idara hii inasimamia masuala yote ya utawala na Utumishi ikiwa pamaja na kusimamia nidhamu, haki na wajibu wa watumishi.

Majukumu ya Idara;

Kutafsiri kanuni za Utumishi wa Umma, Kanuni za kudumu na sheria nyingine za kazi

Kusimamia utekelezaji wa shughuli za maadili na uhamasishaji wa maadili ikiwa ni pamoja na elimu ya kuzuia rushwa.

Kusimamia utekelezaji wa shughuli kama vile kuajiri, uteuzi,mwelekeo, mafunzo na maendeleo ya wafanyakazi, kupandisha vyeo, nidhamu, kuhifadhi, motisha, usimamizi wa utendaji na ustawi wa wafanyakazi kwa ujumla.

Kuhakikisha usimamizi wa matumizi bora ya rasilimali watu

Kuratibu masuala ya baraza la wafanyakazi na vyama vya wafanyakazi

Kusimamia uandaaji na utekelezaji wa sera, taratibu na miongozo madhubuti ya kuajiri, mafunzo na uendelezaji, upangaji wa kazi, uhifadhi wa watumishi, upandaji vyeo na  usimamizi wa utendaji.

Kufanya ukaguzi wa mara kwa mara wa rasilimali watu na hesabu ya ujuzi wa sasa na unaohitajika.

Kutoa huduma za masjala, mesenja na courier na kusimamia kumbukumbu za ofisi

Kushughulikia masuala ya Itifaki

Kurahisisha utoaji wa huduma za usalama, usafiri na huduma za jumla.

Kurahisisha matengenezo ya vifaa vya ofisi, majengo na viwanja

Kuratibu utekelezaji wa shughuli za maadili na kukuza maadili

Kuratibu utekelezaji wa masuala mbalimbali

Kuratibu ushiriki wa sekta Binafsi, uboreshaji wa mchakato wa biashara na mkataba wa huduma kwa mteja

Kutoa ushauri juu ya ufanisi wa shirika la ofisi

Kuratibu shughuli za uchaguzi katika Halmashauri: na

Kusimamia uchaguzi Mkuu na Mamlaka za Serikali za Mitaa.