MSTAHIKI MEYA AGAWA MADAWATI 950 KWA SHULE ZA MSINGI

Imewekwa: January 22nd, 2026

Mstahiki Meya wa Halmashauri ya Manispaa ya Musoma Mhe. Alex Nyabiti leo Januari 22, 2026 ameendesha zoezi la ugawaji madawati 950 kwa wakuu wa shule za Msingi.

Zoezi hilo la ugawaji limefanyika katika shule ya sekondari ya ufundi Musoma na kushuhudiwa na wajumbe wa kamati ya Fedha na Utawala Manispaa ya Musoma.

Mhe. Nyabiti ameziasa shule zitakazonufaika na mgao huo kuyatunza madiwani hayo na kuhakikisha yanatumika ipasavyo katika kuboresha mazingira ya kujifunza kwa wanafunzi.

Aidha, Mhe. Nyabiti ameshukuru mbunge mstaafu wa jimbo la Musoma mjini Mhe. Vedastus Mathayo kwa moyo wa pekee na kujitoa kuhakikisha madawati hayo yanatengenezwa ili kuondoa adha ya upungufu wa madawati mashuleni.

Madawati yaliyogawanywa kwa shule za Msingi yatangunguza upungufu wa madawati kwa shule hizo ambapo jumla ya wanafunzi 2850 watapata mahali pa kukaa.

Kwa upande wao walimu wakuu wameipongeza Halmashauri chini ya uongozi wa mstahiki Meya kwa jitihada za dhati za kuhakikisha upungufu wa madawati unakwisha na kuboresha  mazingira ya kujifunzia.

Katika mpango hii wa utengenezaji wa madawati jumla ya madawati 2,092 yanatarajiwa kutengenezwa na kugawanywa katika shule za Msingi na Sekondari.