Manispaa ya Musoma yapata Meya Mpya

Imewekwa: December 14th, 2020

Manispaa ya Musoma yapata Meya Mpya

Halmashauri ya Manispaa ya imepata Meya mpya atakaeiongoza kwa kipindi cha miaka mitano ijayo.

Katika uchaguzi uliyofanyika kumpata Meya wa Manispaa ya Musoma Mhe. William P. Gumbo (CCM) amechaguliwa kuwa Mstahiki Meya wa Manispaa baada ya kumshinda Mhe. Golden M. Charles (CHADEMA).

Aidha, katika nafasi ya Naibu Meya wa Manispaa, Mhe. Haji Mugeta Mtete (CCM) amechaguliwa kuwa naibu Meya baada ya kumshinda Mhe. Fredrick C. Mganga (CHADEMA).

Akitoa neno la shukrani baada ya kuchaguliwa Mstahiki Meya William Gumbo aliwashukuru wajumbe kwa imani waliyoonesha kwake na kuahidi kuwalipa utumishi uliotukuka.

“Nawaomba Wahe. Madiwani wenzangu mfahamu kuwa tuna kazi kubwa mbele yetu kuhakikisha Halmashauri yetu inapiga hatua, niwaombe ushirikiano ili kufikia malengo yetu yaliyoainishwa vizuri kwenye ilani ya Uchaguzi ya Chama Cha Mapinduzi”. Alisema Mhe. Gumbo.

Aliongeza kuwa “Leo tunaunda kamati za kudumu ambazo ndizo hasa zitasimamia shughuli mbalimbali za kisekta na kutoa matokea chanya katika ujenzi madhubuti wa Manispaa yetu.

Kwa upande wa watumishi Mhe. Gumbo amewataka kutekeleza majukumu yao kwa weledi na ubunifu ili kuleta tija katika huduma mbalimbali za Wananchi.

Mhe. Gumbo pia ameunda kamati mbalimbali za kudumu kwa kuzingatia usawa na ufanisi wa kamati kama ifuatavyo.

Kamati ya Elimu, Afya na huduma za uchumi inaundwa na Mhe. David Cosmas Regu (Mwenyekiti), William Gumbo, Vedastus M. Mathayo, Alex M. Nyabiti na Jumbula Maclaud Rugola.

Wengine ni Mhe. Cleophas Mato Kuboja, Juma Hamis Idd, Mariam Sospeter Jackson na Kulwa P. Mahamba.

Kwa upande wa kamati ya Mipango Miji na Mazingira wajumbe wanaounda kamati ni Mhe. Charles M. Wambura (Mwenyekiti), William P. Gumbo, Vedastus M. Mathayo, Masumbuko S. Magesa na Amina Shabani Masisa.

Wengine ni Abbas M. Chamba, Dickson M. Mwandala, Fredrick C. Mganga, Asha M. Swalehe na Joseph K. Kitina.

Kamati ya kuthibiti UKIMWI inaundwa na Mhe. Haji Mtete (Mwenyekiti), Juma Hamis Idd, Amina Shaban Masisa, Asha M. Swalehe na Mhe. William P. Gumbo.

Kamati ya maadili ya Madiwani inaundwa na Mhe. Juma Hamis Idd (Mwenyekiti), Mariam Sospeter Jackson, Naima Minga Samson na William P. Gumbo.

 Kwa upande wa kamati ya Fedha na Utawala wajumbe ni Mhe. William P. Gumbo (mwenyekiti), Haji M. Mtete, Vedastus M. Mathayo, David C. Regu, Charles M. Wambura, Juma Hamis Idd, Golden Marcus Charles, Erieth Godwin kumila, Marysiana M. Masasi na Naima Minga Samson